KUCHING: Penyampau peranak Penan ba Sarawak naka taun 2016 bisi 25,810 iku dibanding 16,281 iku ba taun 2010 lalu tebal agi sida udah bisi palan pengentap.

Nitihka pansik ari Pengatur Program Pelajar Komuniti Penan (2010-2020) Dr Abang Ismail Abang Julhi, komuniti Penan nya sebagi ari raban Dayak ba Sarawak enggau Brunei.

Komuniti Penan diau ba tanah tinggi enggau kampung ti mar dilawa lalu diau semak sungai.

Pia mega, Komuniti Penan di Sarawak bisi dua kategori baka Penan Darat enggau Penan Timur.

Penan Timur tu mungkur kandang menua Baram, Limbang enggau Tutoh.

Tiga kandang menua nya palan pengentap besai komuniti Penan ba Sarawak.

Udah nya, raban bansa Penan ba Baram (Penan Timur) ngagai Belaga (Penan Barat).

Ba kategori Penan Barat, sida diau ba Bintulu enggau Belaga.

Nitihka penerang ari Opis Residen Miri, bisi 121 peratus nya palan pengentap baru ketegal bejalaika Projek Tekat Ai Bakun enggau Murum ba taun 1987.

Urung 12,000 iku peranak ari 15 buah rumah panjai ba Hulu Balui dipasuh mindah ngagai Sungai Asap enggau Sungai Koyan ngambi bejalaika projek besai Tekat Ai Bakun.

Ari sukut sekula, bisi 10 buah sekula sekondari ba Sarawak endur nembiak ari komuniti Penan besekula baka SMK Long Lama, Baram, SMK Marudi, Baram, SMK Datuk Temenggong Lawai Jau, SMK Tutoh Apoh enggau Kolej TDPT Haji Bujang ba Bagi Menua Miri.

Ba Bagi Menua Kapit, sida besekula ba SMK Belaga, SMK Bakun engau SMK Kapit.

Ba Bagi Menua Bintulu, sida besekula ba SMK Bintulu lalu ba Bagi Menua Limbang nya ba SMK Mendamit.

Nangkanka nya, bisi tujuh buah sekula primari nya endang endur nembiak Penan besekula iya nya SK Lusong Laku, Belaga.