JEMORENG: Raban penerima geran Projek Mit Pemansang Menua Pesisir (MRP) dilalau nguna agih belanja nya enggau manah ke pemaik semua komuniti.

Adun Jemoreng, Datuk Dr. Juanda Jaya madah, perintah nengeri nyendiaka agih belanja nya nyadi inisiatif dikena mantu komuniti nyengkaum gerempung tauka kelab ngatur aktiviti diri empu.

Iya madah munyi nya maya Pengawa Nyuaka Chek MRP Dun Jemoreng, ditu, ensana.

Entara raban sida ke bisi penerima MRP tu iya nya : Gerempung Apai Indai Enggau Pengajar (PIBG) Sekula Primari (SK) Agama Igan, Komiti Surau Sekula Sekondari (SMK) Agama Igan, SK Igan, Kaunsil Pemansang Islam Igan (LAKII), JK Masjid Igan, Perkim Pampang Igan, Raban Qiraat Orang Indu Igan, Komiti Menyadi Kitai Igan, JKSurau Kg Pulau Igan, JK Surau Kg Baru Dagang Igan, JKKK Rh Anyut Bruan Matu, JKKK Rh Gangga Bruan Matu, PIBG SK Bruan Mapal Matu, JK Surau Loba Balu, JKKK Kg Loba Balu Matu.

Berebak enggau nya, SK Igan enggau Kaunsil Pemansang Islam Igan (LAKII) bela nerima agih belanja khas ari Menteri Besai RM50,000.

Berebak enggau nya, raban penerima geran MRP meri terima kasih ngagai Perintah Sarawak sereta pengari rayat sida laban udah ngungkupka agih belanja nya dikena sida ngatur program bekaul.