KUCHING: Profesor Madya Dr Ida Fatimawati Adi Badiozaman ari Universiti Teknologi Swinburne Kampus Sarawak (Swinburne Sarawak) udah dipadu nyadi pemenang Anugerah Wilayah Asia Pasifik (WEP) Serakup Bansa Besatu (PBB) Kategori Indu Malaysia ti Ngaul Industri enggau Komuniti.

Dr Ida nya Ketuai Fesyen enggau Seni Fakulti Dagang sereta Fesyen enggau Seni Swinburne Sarawak.

Pansik pemadu baru iya nya pasal pelajar bala pengajar, identiti akademik enggau penyampau nembiak ba tikas pelajar tinggi.

Pansik dipejalai iya nya ‘What sustains the novice teacher: The role of goal fusion’ (2019), ‘Rethinking English language education in Malaysia: Navigating rhetoric and reality’ (2019) enggau ‘Students perception and use of English in higher education institution’ (2019).

Dr Ida ngembuan Degree Ngajar Jaku English nyadi Jaku Kedua (RESL) ari Universiti Malaya (UM) dalam taun 2002.

Pengudah dua taun ngajar subjek English enggau Litaricha Jaku English ba sebuah sekula di Kuching, iya nampung pelajar dalam Master Seni dalam Pengawa ngajar jaku English Ungkup Jaku-Jaku Bukai (MA TESOL) di Victoria University, Wellington, New Zealand.

Dr Ida nerima gelar Doktor Falsafah (PhD) dalam pekara pelajar ari Massey University, New Zealand pada 2012 enggau gawa ba dua palan pelajar tinggi di International Pacific College enggau Professional and Continuing Education (PaCE) in Massey University.
Iya siku tutor ti diaku ngembuan Diploma enggau setipikit TESOL (Trinity College London) dalam kus ngaga keretas kereja akademik.

Anugerah nya dikena ngaku enggau ngenegapka orang indu (dikumbai Orang Indu UN) nya inisiatif keterubah ngenang jasa pengemeran dagang.

Anugerah tu mega dipasuk menua bukai baka China, India, Indonesia, Malaysia, Philiphines, Thailand enggau Vietnam dalam bulan November tu tadi enggau sida ke menang deka nyadi pemenang wilayah Asia Pasifik dalam Anugerah WEP Wilayah Asia Pasifik kategori Orang Indu Malaysia.