BALAI RINGIN: Raban nembiak di Sarawak deka nyadi pengundi ba Pengawa Bepilih Kunsil Nengeri (PRN) ti deka datai.

Menteri Muda Nembiak Enggau Lumba Datuk Snowdan Lawan madah, beduduk ari nya semua hak raban sida tu patut diibun sereta dijaga enggau manah.

Snowdan ke mega Kaban Kunsil Nengeri (Adun) Balai Ringin, meransang Komiti Pemansang Enggau Pengelikun Genturung Pendiau (JKKK) numbuhka biro nembiak dikena ngemansangka raban sida tu sebaka enggau biro bukai.

Bisi 31 buah genturung pendiau ngambi bagi ba program nya nyengkaum 155 buah JKKK seraya ngelala bagi penanggul infrastruktur enggau penanggul bukai ba sitak nya.