MIRI: Bisi lima buah sekula repuk ba Parlimen Sibuti bulih Projek Ngaga Baru Sekula Repuk Renggat Ketiga ngena agih belanja RM1 bilion.

Kaban Parlimen Sibuti, Lukanisman Awang Sauni madahka sekula ti deka digaga baru tu baka Sekula Primari (SK) Batu Niah, SK Rumah Tinggi, SK Beliau Isa, SK Sungai Saeh enggauSK Ulu Satap.

“Semua sekula nya udah dikemendar enggau ditinda.

“Kitai keran nentuka mayuh agi sekula repuk digaga baru,” ku Lukanisman.

Lukanisman mansutka jaku nya pengudah nanya pasal sekula repuk ti digaga baru ngagai Menteri Kanan Pelajar, Dr Mohd Radzi Md Jidin ba Aum Parlimen, ditu tadi.

Ku iya, SK Kampung Tanjong Berlipat, SK Kelapa Sawit No.5, SK Kelapa Sawit No.2 enggau SK Kampung Beraya udah digaga baru enggau udah tembu ba renggat keterubah.

Entara sekula ti udah dikemendar enggau ditinda baka SK Kampung Bulau, SK Kampung Selanyau, SK Kita, SK Skim Rancangan Sepupok enggau SK Keluru Tengah (Renggat Kedua).

“Renggat kedua baru nyiri kunteriktor seraya renggat ketiga enggau deka dipejalai ba taun baru,” terang iya.