KUALA LUMPUR: Perintah netapka timpuh setaun ngagai sida ti nadai tingki ngambi mantaika dokumen sida.

Menteri Dalam Menua, Datuk Seri Hamzah Zainudin madahka isu nya udah lama ngujungka mayuh penanggul nyadi nyengkaum ngaul pekara politik enggau isu raban bansa.

Hamzah nyemetak madah, nadai patut orang beumur lebih 63 taun nadai tingki.

“Nya kebuah, aku meri timpuh setaun sida rejister ngena dokumen ngambi kitai ngenukuka status peranak menua sida.

“Kitai deka netapka peranak menua nyadi peranak tetap lalu rayat ke ukai peranak menua nya ukai peranak tetap,” ku iya lebuh nyimpul jurai Perambu Undang-Undang Bekal 2021 ba renggat komiti ungkup opis menteri nya, ditu tadi.