JAGUH pechut Sarawak, Jonathan Nyepa, 24 taun, ransing ngulihka ‘tikit’ ke Lumba Asia (SEA) 2021 ti deka diatur di Vietnam.

Nampung penyulut Watson Nyambek nya dipeda bisi amat pengandal udah iya mujur ngelih raja pechut Asia Tenggara, Muhamad Haiqal Hanafi ba pekit simulasyen apin lama ke udah.

Jonathan mega mantaika penyulut ba dua pekit belanda, 100 meter enggau 200 meter.

Ba pelanda 100 meter, Jonathan ngerikod 10.60 sikin, seraya 21.45 sikin udah dirikod ba pelanda 200 meter.

“Aku tepantup ati diatu enti dipeda ari rikod udah dijapai lebih agi lebuh Covid-19 ngerekai enggau ngenusah menua.

“Diatu aku udah ulih meragam, lalu aku deka ke Vietnam,” ku Jonathan.

Ke penerang, Jonathan kala enggau orang bepekit ba Lumba SEA tiga kali sebedau tu.

Nya alai, ari peneleba bepekit, iya udah nyendiaka diri enggau chukup ari pengeregas tubuh enggau runding.

Taja pia, iya tetap bisi tagit enggau juluk ati kediri empu maya Lumba SEA 2021 tu ila.

“Aku diatu fokus ba latih. Tambah mega apin nemu nama bagi pekit deka digulu taun baru,” ku Jonathan.