MIRI: Peranak rumah panjai ti udah bisi karan dilalau anang ngubah tauka nyambung tali karan kediri laban tau ngeruga pengelikun.

Adun Telang Usan, Dennis Ngau madahka sebedau tu peranak ruma panjai ngena injin api.

“Taja pia, sida ti nerima bekal kuasa karan 24 jam maya tu enda ibuh nyambung karan kelalu mayuh laban nya tau ngasuh penusah angus,” ku iya lebuh nyuaka kereban pengerara api ngagai lima genturung pendiau ba Dun Telang Usan.

Dennis madahka dua nya ke udah dua buah rumah ba Pasar Long Lama angus ketegal tali karan ke udah lama.

“Penusah angus tu suah nyadi ba rumah panjai lalu nya kebuah kitai mesti mekalka kereban pengerara api ngagai rumah panjai tu,” ku Dennis.