DALAT: “Beri aku menang baru, bisi nambah ila,” ku Kepala Menteri Datuk Patinggi Abang Johari Tun Openg.

Iya ke mega Presiden Gempung Parti Sarawak (GPS) madahka belanja menua ti manggai lebih RM10 billion.

Ku iya, sebedau tu menua kitai apin kala teulihka belanja ngelui ari RM10 billion.

“Ngulihka belanja nyampau tu ukai pengawa ke muntang, aku bebendar nagih hak chukai menua kitai datai ba kort.

“Puji Tuhan, dalam kort kitai menang, nya alai asil ari chukai kitai bisi nambah lebih RM3 billion,” ku iya.

Abang Johari bejaku munyi nya beserimbai enggau Program Bejadika Waterfront Dalat enggau Bazaarnita Fatima Dalat ditu, pagi tadi.

Ku iya, belanja menua tu deka nambah enti sema rayat agi ngasuh iya ngemudika perintah.