KUCHING: Sarawak ngerikodka dua kes positif Covid-19 baru di Sibu enggau Miri seharitu.

Komiti Penyangga Penusah Ngenyit Nengeri (JPBN) dalam penerang media madahka tu ngujungka penyampau kes positif Covid-19 di menua tu nambah 1,087 kes.

Ku JPBN, kes ke-1,086 siku rayat menua ti beperesa Covid-19 sebedau beputung ba Sepital Sibu.

Iya diperasa kena 18 Disember lalu pemutus peresa ba hari ti sama madahka iya positif Covid-19.

Siti agi kes positif Covid-19, kes ke-1,087 siku pengajar ti baru pulai ari palan dirampit Covid-19 di Selangor.

Pengawa nyidi bekaul enggau kes nya benung chakah dipejalai ungkup pansik bukai.

Kes tu ditukuka kes Import B laban baru pulai ari palan ulih kena rampit Covid-19.

Kelimpah ari nya, JPBN madahka Kluster Besi di Pelilih Menua Kuching ditukuka punas seharitu pengudah nadai ngerikodka kes postif baru dalam timpuh 28 hari nadai kluster agi ngerekai dirikodka ba Sarawak.