KUCHING: Sarakup Pengajar Sarawak (STU) minta bala pengajar dulu agi nerima vaksin Covid-19 lebuh vaksin tu udah bisi ila.

Presiden STU, Adam Parkash Abdullah madahka sida minta kasih ngambi bala pengajar diberi dulu vaksin nya nangkan raban gawa diluan.

“Penyakit Covid-19 ukai semina ngeruga pengerai enggau pengelikun ruang bilik aja tang mega pengerai bala nembiak ti diajar kami.

“Taja pengajar enggau nembiak diperansang belajar nengah tali arus tang sekeda pengajar ngusung bala nembiak ke nadai akses tali arus,” ku iya.

Adam bejaku munyi nya ba aum pemberita nyerumba Program Nyain Sempekat Pemereti Ati (MoU) entara STU enggau Universiti Swinburne Sarawak di sebuah hotel ditu tadi.