KUCHING: Larry Sng ngaga pemutus nyurutka diri mangku pengawa nyadi Chairman Parti Keadilan Rakyat (PKR) Sarawak.

Ba sebengkah penerang tadi, iya madahka pemutus nya nentuka parti nya diketuai orang Dayak ngambi nyikap diri napi Pengawa Bepilih Nengeri Ke-12 (PRN-12) taun baru.

Ku iya, pemutus nyurutka diri tu ngenang PKR Sarawak beduduk ari majoriti peranak Sarawak nya orang Dayak.

“Majoriti peranak Sarawak nya orang Dayak tang kitai bela nemu kandang menua Dayak tang dikumbai entara menua ke seranta.

“Tambah mega, kami ngemeratka pengawa mutarka isu tanah Adat Bansa Asal (NCR),” ku Larry nyemetak madah.

Larry ti mega Kaban Parlimen Julau andalka parti nya deka bulih pengganti ti manah taja iya udah dipilih ngarika penuduk Parlimen ti dominan Dayak enggau bisi peneleba dalam Perintah Sarawak.

“Aku deka berandauka pekara tu enggau Presiden Parti (Datuk Seri Anwar Ibrahim) berapa hari agi ngambi berandau pasal milih pengganti aku,” terang iya.