SELANGAU: Projek pemansang ba menua pesisir begunaka sukung tegut ari rayat ngambi ulih bejalaika mayuh agi pemansang dudi hari.

Nya kebuah, Adun Tamin Ir Christopher Gira Sambang minta peranak negapka sukung sida ngagai Kepala Menteri Datuk Patinggi Abang Johari Tun Openg ungkup pemansang meruan.

“Aku minta semua rayat meri sukung tegut ngagai GPS ti betuaika Abang Johari ngambi terus mai mayuh agi pemansang ngagai menua pesisir enggau menua ulu.

“Pekara tu nentuka semua pemansang ti diperambu GPS ngelama tu deka dipejalai enggau nyadi nyata.

“Dikearap mandat ke diberi sebedau tu deka diberi baru maya pengawa bepilih ke deka datai,” ku Gira.

Gira mansutka jaku nya rambau bejadika taba rumah panjai baru 15 pintu Rumah Tajan Lion, Jalan Dijih, Hari Lima tu tadi.