BAU: Sejarah besai Sarawak lebih agi Pelilih Bau ti deka ngatur Pengerami Ngintu 200 Taun Sejarah Bau kena 31 Disember ba Laman Besai Tasik Biru ditu.

Adun Tasik Biru Datuk Henry Harry Jinep madahka pekara nya deka dipadahka Kepala Menteri Datuk Patinggi Abang Johari Tun Openg disadang datai bejadika pengerami diatur pukul 10 pagi nya.

“Kitai bisi pekara baru ungkup selampur menua tu nyengkaum di Bau ti deka dilancharka Kepala Menteri ila.

“Siti ari nya, tiang pengingat 200 taun sejarah Bau enggau pengawa mandangka seni begunan diberi nama ‘Bau Nyulut Agi’ sereta numbuhka Rumah Muzium Ngali Bau,” terang iya.

Harry Jinep mansutka jaku nya ba aum pemberita Ngintu 200 Taun Sejarah Bau ba Kaunsil Pelilih Bau, tadi.

Iya madah, pengerami nya mega ngelaika singkang keterubah nuju transformasyen Pelilih Bau ba pengawa ngubah komuniti dia.