KOTA SAMARAHAN: Pengerami Hari Krismas taun tu diintu enggau jelan pengerami berindik ari pandemik Covid-19.

Ku Ganit Gunarso Serung, 26 taun, lain endar asai ngintu Krismas sekali tu nyengkaum ba gerija.

“Misa Krismas muakka pagi tu mega diatur nitihka Atur Standard Pengawa (SOP) ke terit endar.

“Tu nyengkaum tatak jam dalam gerija, takah tubuh enggau ke bukai,” ku iya bekunsika kenang diri enggau Suara Sarawak kena 25 Disember tu tadi.

Ganit mega madah, Hari Krismas taun tu diintu sida enggau makai gempuru enggau diri sebilik aja.

Ganit Gunarso Serung

“Taun tu nadai pengerami nerima pengabang nyengkaum nadai karoling ari rumah ke rumah laban ke ditagang.

“Kelimpah ari nya, ngabang bebala mayuh mega enda entu dikemendar diatu.

Taja pia ku Ganit, hari besai nya diintu enggau jelan pengerami sereta ati berasai lantang ulih begempuru enggau diri sebilik.

“Kami tetap berasai lantang ngintu Hari Krismas taun tu lalu ngarapka semua kitai lebih agi orang Kristian ngasika SOP, bela nyaga pengelikun enggau pengerai,” ku lalau iya. – NUR HAZIRAH SHUKUR