JULAU: Kaban Kunsil Nengeri (Adun) Meluan Rolland Duat Jubin udah bejalaika inisiatif kediri ngemanahka jalai alun ke balat jai ba Ulu Entaih kena Hari Empat tu tadi.

Lebuh dirandau pemberita pagi tadi, iya madah diri udah datai ngabas lalu terus ngasuh sebuah piko enggau lori dianjung dikena ngemanahka jalai ke balat jai ba Ulu Entaih nya.

“Ari penemu aku empu, dia aku udah ngasuh jalai tu terus dikemanah jampat awakka meri pengelantang ngagai mensian mayuh.

“Aku udah ngasuh sida ti bejalaika pengawa matau sereta ngemanahka jalai tu,” ku iya.

Nangkan ke nya, Roland bisi nangkan mensia mayuh mesti bejimat maya nengah jalai ke jai nya maya sida pulai kemisi ngintu Taun Baru 2021 tu ila.

BEJADI…Rolland (lima kiba) maya bejadika Biro Indu Rumah Jimmy, Sekalong Merurun, Julau.

Jalai Ulu Entaih urung 25 kilometer pemanjai tu ditengah 14 buah rumah panjai lalu bisi 1,000 iku peranak rumah panjai ke nguan menua nya.

Berebak enggau nya, Roland mega bisoi ngulu dua program iya nya Bejadika AgriCop di Rumah Jepun, Nanga Masit, Ulu Kanowit enggau Bejadika Biro Indu Rumah Jimmy, Sekalong, Merurun, Julau.

Ku iya, dua program nya dikena iya mendingka sebana rayat kelimpah dikena nerangka langgur pemansang ungkup rayat ba sitak DUN Meluan.

“Pengawa baka tu patut dikena manah dikena nempa kaul enggau rayat kelimpah ari ngulu pengerami ke besai-besai.

“Aku ngarapka peranak Dun Meluan sabar nganti pemansang ke udah dilanggur aku ke pemaik sida jemah. Aku pan ngasailka penusah enggau pemedis ke nekul rayat,” ku iya.