ISTANBUL: Cristiano Ronaldo dipadu bulih gelar pemain bol tebilang kurun ke diatu ba Anugerah Globe Soccer di Dubai kena Hari Minggu tu tadi, ku penerang ari Ejensi Anadolu.

Ronaldi mujur ngalahka Leo Messi ari Barcelona enggau pemain Liverpool, Mohamed Salah, Ronaldo dipilih nyadi pemain ke pemadu manah ba kurun ke-21 ari pemutus 23 iku akim, nyengkaum bala jurulatih enggau ex-pemain kelimpah undi ari bala peminat ari serata dunya.

“CRISTIANO RONALDO dipadu nyadi PEMAIN KURUN 2001-2020 Anugerah Globe Soccer,” ku Dubai Global Soccer Awards di Twitter.

Pemenang lima kali Liga Juara-Juara UEFA (empat kali enggau Real Madrid, sekali enggau Manchester United) nyadi kapten tim menua Portugal lalu mujur nyadi champion, UEFA EURO 2016.

Ronaldo ke mega kapten Portugal, mujur ngemasukka 102 gol ungkup menua iya.

Iya kala bulih gelar champion ba Liga Perdana Inggeris maya begulai enggau tim The Red Devils pengelama tiga taun bejurut (2007, 2008 enggau 2009).

Udah nya maya begulai enggau tim Juventus kenyau 2018, Ronaldo mega mujur nyadi champion menua Itali dua kali lalu mujur ngemasukka 81 gol dalam 103 kali bemain ungkup kelab menua Itali nya.

Jaguh main tu mega kala bulih dua anugerah Pemain Lelaki Pemadu Manah FIFA, lima anugerah Ballon d’Or, enggau tiga kali dipilih nyadi pemain pemadu manah UEFA di Eropah.

Ba pengerami nya mega, Real Madrid dipadu nyadi Club of the Century, ditangkan menijar Manchester City Pep Guardiola dipadu menang gelar Coach of the Century sereta penyerang Bayern Munich, Robert Lewandowski nyadi Pemain Pemadu Manah Taun 2020.– BERNAMA