KAPIT: Adun Bukit Goram, Jefferson Jamit Unyat udah ngabas pejalai projek di baruh Program Tranfomasyen Menua Pesisir (RTP) ba sitak Dun Bukit Goram.

Ku iya, tuju pejalai sehari nya endang dikena nentuka projek nya nitihka standard ti udah ditetapka.

“Aku tepantut endar ati meda pejalai projek RTP ba Rumah Bunsi Sri, Baleh ditu ti nitihka semua standard.

“Pemujur projek RTP tu deka ngemuntangka pengawa enggau mai pengelantang ngagai peranak ditu,” ku iya.

Berebak enggau nya, Jamit mega bisi limpang ngabas rayat ba rumah panjai bukai kena pegai sitak Dun Bukit Goram.

Pejalai tu sebagi ari chara iya mendingka sebana tauka peminta rayat ke diau dia.

Jamit madahka iya naka ulih mantu rayat ba kandang menua nya nentuka sida seruran nerima buah pemansang.