KUALA LUMPUR: Bulih gelar atlit champion ukai semina gagaka pemujur tang mesti pintar nagang pemuntan enggau ransing agi belatih nambahka pemujur dalam lumba.

Pemain boling indu tebilang Malaysia, Shalin Zulkifli, ex pemain skuasy, Datuk Nicol David enggau ratu terejun menua, Pandelela Rinong kena Hari Dua tu tadi bekunsika cherita pemujur sida.

Pia mega, sida tiga bisi bekunsika baka ni chara mutarka penanggul ngambi nyadi bintang lumba pemadu nyulut menua.

Bekunsika cherita, pemenang midul Olimpik dua kali, Pandelela madahka pejalai iya dalam pekit terejun berengkah ari iya beumur lapan taun lebuh pengajar latih datai ke sekula primari endur iya belajar laban deka ngiga rebak biak dalam lumba akuatik.

Pandelela mujur bulih midul keterubah menua dalam pekit terejun, 10 meter platform indu ba edisyen London 2012.

Pengudah tiga kali nerima Anugerah Olahragawati Malaysia dalam taun 1997, Shalin ti baru beumur 20 taun lebuh nya dikeandal menang midul emas Malaysia dalam Lumba Komanwel 1998 lebuh Malaysia nyadi tuai rumah.

Tang, Shalin semina bulih midul pirak dalam pekit berega indu (begulai enggau Lai Kin Ngoh) seraya ex-champion lapan kali, Nicol madahka pengajar latih ba renggat nengeri mesti ngabas sekula ngambi meransang nembiak regas belumba.

Berita penuh Ruai 1 pagila