Sepemanjai Taun 2020, Serakup Dayak Sarawak (Pedas) baka serakup bukai mega nadai ngatur pengawa pengerami begempuru bebala mayuh berindik ari pengerekai igi penyakit Covid19.

Presiden Pedas, Mejar (B) Capt Collin Imran madahka tu mega nitihka jaku gerah enggau atur dipejalaika perintah dikena nagang igi penyakit tu ari majak ngerekai.

Ku iya, sida endang ngasika Atur Pengawa Standard (SOP) ti ditetapka kenyau ari Atur Mindah Betagang (PKP) nyentuk Atur Mindah Betagang Penyuman (PKPP) diatu.

“Taja jarang dipeda ayan sereta kurang publisiti baka taun ke udah, tang Pedas tetap bejalaika pengawa baka selama lebih agi mantu bala kaban ke ditinggang penusah.

“Kami mega bisi ngesah penusah charutka tanah enggau tasah bah sereta rumah angus, semina tubuh ke datai enda nyenggala mayuh ketegal nitihka SOP munyi dipadah aku tadi,” ku iya lebuh dirandau Suara Sarawak.

Collin madah, kandang setaun tu bisi mega didinga jaku sekeda sebelah media rama ngumbai Pedas diatu nyau padam sedu laban jarang dipeda ayan.

“Ari nya, aku ke nyadi tuai dalam serakup tu enda ngenggaika jaku sida nya laban tu tanda pengerindu sida deka meda Pedas chakah gawa nyadi siti NGO Dayak.

“Kami ngelama tu endang beberita angkunka bansa, niri negika hak bansa asal nipakka tuju enggau juluk serakup tu ditumbuh suba,” ku iya madah nyemetak.

Bacha penuh pejalai Pedas mantu bansa Dayak di menua tu R6 sehari tu.