SEHARI tu kitai nyingkang ngagai taun 2021. Baka ni ku asai ati kita ba taun 2021 tu?

Nama pengarap, pengandal, pengawa ke deka diperambu sereta ke deka digaga kita ba taun 2021 tu?

Presiden Gerempung Ngajat Asal Iban Sarawak, Ajat Anak Sumoh madah, ba hari keterubah iya ba taun 2021 tu, udah tentu kita beterima kasih ke berekat pejalai semua pengidup kitai sepemanjai taun 2020.

Ku iya, kelebih agi senentang pengerai kitai, pengelantang, penyenang, penyamai pengidup sereta pengandal ati enggau penguji ke udah ditapi kitai ba taun 2020 ti udah lalu.

“Semua pemerinsa, penusah, pengerindu, pengaga, ati ti tusah ke ngasuh nyabak, pengaga sereta pemujur mai ketawa sereta ati gidan enggau penyarut ke nusutka runding ngujungka ulah kitai ningkah.

“Nya alai, tu meh ke ditapi kitai beseruan enggau Allah Taala ti bekuasa atas surga enggau dunya.

“Kitai pecaya Tuhan ngiring pejalai kita sepemanjai taun 2020 ti udah lal,” ku iya lebuh dirandau Suara Sarawak.

Ajat madahka sehari tu kena 1 Januari 2021, kitai ngepunka singkang baru ti penuh pengandal, pengarap baru ke lebih nengkeman, ke mai pemujur ke lebih ari taun ke udah.

Kenang penuh Serakup Ngasi Sarawak ulih dibacha ba Ruai 3 sehari tu.