KUCHING: Sepenyampau 79.24 peratus pangku pengawa dipejalaika raban bomba nya nyelamat dibanding mutarka penusah angus.

Direktor Bomba enggau Penyah Penusah Malaysia Nengeri, Khirudin Darhman@Hussaini madahka 7,330 kereja nyelamat dipejalai sida taun 2020 enti dibanding ngerara penusah angus ke semina 1,627 kes.

“Ba kes penusah rumah panjai angus taun 2020, Sarawak ngerikod 15 kes dibanding 21 kes ba taun sebedau nya.

“Lima ari 15 kes penusah angus rumah panjai taun 2020 ulih diselamatka komuniti dia laban sida udah diajar chara mutarka penusah ari pun,” terang Khirudin.

Khirudin mansutka jaku nya ba pengawa Ngelancharka Celik Suri dipenyadika Menteri Pengintu Pengelantang Pendiau, Komuniti, Indu, Ruang Bilik enggau Pemansang Anak Mit, Datuk Seri Fatimah Abdullah, apin lama ke udah.

Iya madahka tebal agi penusah angus nyadi bepun ari pengilap sida ke berintuka pengawa di dapur.