KUCHING: Kluster Pasai nambah 111 kes kemari ngujungka kes ngaul kluster tu nambah ngagai 194 kes.

Komiti Penyangga Penusah Nengeri Sarawak (JPBNS) madahka bisi 1,243 iku udah diperesa bekaul kluster tu ke alai 800 iku ditemu negatif enggau 249 iku agi nganti pemutus makmal.

Sarawak ngerikod 146 kes positif iya nya 92 kes di Sibu, Sebauh (20), Kanowit (12), Miri (11), Beluru (tiga), Kuching (tiga), Dalat (dua) lalu bela siti kes ba Saratok, Bintulu enggau Limbang ngujungka kes positif nambah ngagai 1,574 kes.

Chairman iya, Datuk Amar Douglas Uggah Embas madahka Sarawak ngerikod kluster baru iya nya Kluster Bukit Sekubong, Sebauh ngaul Pelilih Sebauh ba Bagi Menua Bintulu.

Ku Uggah, indeks kes ngagau kluster tu iya nya kes ke-1,258 ditemu meresa orang ti ditemu bisi kelai kena 8 Januari tu tadi pengudah beperesa di Klinik Pengerai Sebauh, Bintulu.

“Naka pukul 12 tengahari tadi, bisi 32 iku udah diperesa ke alai 21 kes ditemu positif nyengkaum kes indeks, tiga iku ditemu negatif enggau lapan iku agi nganti pemutus.