SARATOK: Peranak ditu dipinta semampai bejaga enggau ngasika Atur Standard Pengawa (SOP) ditetapka Kaunsil Pengelikun Menua (MKN) enggau Komiti Penyangga Penusah Nengeri (JPBN).

Sapit Menteri Pengeluar Kuasa enggau Pengeraja Asal, Ali Biju madahka taja Saratok diatu udah ngerikod kes Covid-19 keterubah tang pekara nya agi ulih ditagang.

Ku iya, kerejasama ari semua beguna amat jam ke diatu nentuka kes berampit dia enda nambah lalu penusah jampat teputar ngambi enda ngeruga pengelikun mensia mayuh.

“Kenyau ari Atur Mindah Betagang (PKP) berengkah diterit kena 18 March 2020, kitai di Saratok mujur ngetanka status Zon Gadung, nadai kes dirampit Covid-19.

“Nya kebuah kitai tekenyit endar ati lebuh kes positif keterubah udah dirikod di menua tu kemari.

“Ari nya aku minta kitai seruran nitihka jaku gerah raban gawa ba luan laban sida tu mih orang ke mayung kitai ari sebarang penusah baka Covid-19 tu.

“Kitai mesti sabar enggau liat ati sereta begempung lebuh napi penguji besai baka tu,” ku iya nibarka jaku peransang lebuh dirandau Suara Sarawak, tadi.

Berita penuh Ruai 6 pagila.