KUCHING: Kluster Pasai, Sibu nambah 157 kes ngujungka 462 kes dalam kluster tu.

Pia mega, Komiti Penyangga Penusah Nengeri Sarawak (JPBNS) ngaga pemutus deka bejalaika Atur Mindah Betagang (PKP) ba Bagi Menua Sibu mungkur Pelilih Sibu, Kanowit enggau Selangau.

Chairman iya, Datuk Amar Douglas Uggah Embas madahka PKP tu diterit berengkah 16 Januari tu pukul 12.01 pagi nyentuk 11.59 malam 29 Januari tu (pengelama 14 hari).

Ku iya, Atur Pengawa Standard (SOP) bekaul PKP tu deka dipadah ngagai mensia mayuh lusa seraya Pelilih Sarikei enggau Lubok Antu udah bebali ari gadung ngagai status kuning.

Uggah madahka Sarawak ngerikod 180 kes positif Covid-19 iya nya 150 kes ba Sibu, Miri (semilan), empat kes di Bintulu enggau Kuching.

Pia mega ku iya, tiga kes di Dalat, dua kes di Simunjan enggau Sebauh sereta bela siti kes di Limbang, Samarahan, Tebedu, Betong, Sarikei enggau Lubok Antu.