Dua iku polis digantung kereja tekala nya

KUCHING: Dua iku polis bela digantung kereja tekala nya pengudah dipelaba ilap bejalaika pengawa bekaul enggau dawa siku nembiak indu kena pasung maya ditan ba lokap begulai enggau saspek bukai ba Balai Polis Besai Miri kena 9 Januari tu tadi.
Ketuai Polis Sarawak Datuk Aidi Ismail madah, atur nya digaga sementara nganti asil pansik silik bekaul enggau kes nya ke benung dipejalai.
“Dua iku polis nya dikenuku gawa maya malam penusah nyadi.
“Nyema ditemu ilap enggau nadai nitihka Atur Pengawa Standard (SOP) maya gawa, atur terit deka dipejalai ngagai seduai nya sereta supervisor,’ ku iya maya dirandau Suara Sarawak.
Dulu ari nya, Senator Alan Ling Sie Kiong nengah siti posting ba laman akaun Facebook iya begulaika enggau indu nya sereta apai iya bisi datai ke Balai Polis Besai Miri laban ngaga ripot bekaul enggau kes nya.

 
Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak