Pun Sekiu diatu majak punas

MATU: Barang sapa ti nemuai ke Kampung Jemoreng tentu lain asai enti nadai limpang nyepi penyamai Minyak Sekiu tauka tebilang enggau nama, 賎olden Oil�

Minyak Sekiu udah mujur ngenampakka nama Kampung Jemoreng laban produk nya endang dikelala kenyau ari kelia ngundan mayuh pemanah.

Proses ngaga minyak sekiu chukup tusah, tambah mega semina bebuah empat tauka lima taun sekali ngujungka rega Minyak Sekiu kekadang manggai RM500 sebotol ungkup saiz 500ml.

Diatu, orang ke bejual minyak tu napi penanggul laban pun sekiu majak punas ketegal ulah nebang kayu nadai pemendar.

Maya dirandau Staf Unit Komunikasyen Perintah Sarawak (UKAS) apin lama ke udah, Penghulu Kampung Jemoreng Matu, Che Jeni Sahdan ngarapka raban bekuasa nengah Opis Kampung Sarawak meri gazet kandang Kampung Hulu Jemoreng nyadi kampung galau.

Gambar buah sekiu. Kredit Facebook Fauzi Pojie Mahalanau

適itai ngarapka pun sekiu tu ulih dijaga ari ke majak punas nengah raban bekuasa nengah chara meri gazet ngagai kandang Kampung Hulu Jemoreng nyadi kampung galau,�ku iya.

Lebuh nusui pasal chara ngaga Minyak Sekiu, Che Iman Sahdan madah diri kala nurun pukul 6 pagi neresa sungai ngena perau pengelama dua jam sebedau datai ba pun sekiu ba Hulu Sungai Jemoreng.

Ku iya, pengudah buah sekiu nya dibai pulai, buah nya terus dijembi sampai rangkai sebedau ditenchang tauka dalam jaku melanau disebut ‘melusik’ maya ngulihka isi buah nya ngambika digaga nyadi minyak.

Nangkan nya Che Iman madah, minyak sekiu nyadi pengudah rumput lalang dichabut lalu disimpan dalam kapisen, kereban dikena mantis minyak sampaika ai minyak nya chiru.

Ku iya, minyak sekiu chukup nyamai diempa ditechal enggau asi angat lebih agi berau umai. Pia mega pemakai asal tu lebih nyamai diempa gulai mulung enggau ikan masin.- Ukas

Chara ngasilka Minyak Sekiu. Kredit Facebook Ahmad Johnie Zawawi
 
Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak