Terabai komuniti nerima lampu solar ari Adun Meradong

BINTANGOR: Raban terabai komuniti pelilih menua tu udah nerima pemeri enam unit lampu solar ari Adun Meradong, Datuk Ding Koung Hiing.

Pemeri nya disuaka iya empu ngagai Komiti Penyangga Penusah Pelilih Meradong (JPBDM).

Ku iya, lampu solar nya deka ngemuntangka pengawa raban Polis enggau Rela bejalaika operasyen sida kelebih agi maya malam hari.

“Lampu bansa tu enda rua enti dibanding lampu ngena karan laban kuasa ulih diisi ngena panchar mata panas.

“Lampu tu ukai semina ulih dikena sekumbang matau pengerekai Covid-19 aja tang ba operasyen bukai ngaul pengelikun mensia mayuh,” ku iya.

Koung Hiing mansutka jaku nya ngagai pemberita pengudah tembu pengawa nyuaka pemeri nya ditu, pagi tadi.

 
Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak