Bantu Khas RM500 ungkup staf perintah S’wak

KUCHING: Perintah Sarawak setuju meri Bantu Khas RM500 nyerumba Hari Raya Aidilfitri enggau Gawai Dayak taun tu ngagai semua gred pegawai Perintah Sarawak.

Nitihka penerang ari Opis Kepala Menteri tadi, bantu khas nya deka dibayar bulan Mei tu iya nya sebedau Hari Raya Aidilfitri enggau Gawai.

Pia mega, bonus nya kelai ngenang jasa pegawai Perintah Sarawak ti udah bebendar gawa ungkup rayat kelebih agi maya pandemik tu.

Perintah ngarapka Bantu Khas Aidilfitri enggau Gawai Taun 2021 tu ulih ngelempung tating belanja bala pegawai Perintah Sarawak sereta meransang sida ransing agi gawa.

 
Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak