Program Betuchuk Vaksin Nasional Renggat Kedua Enggau Ketiga Di Saratok berengkah diatur 19 April

SARATOK: Program Betuchuk Vaksin Nasional renggat kedua enggau ketiga ungkup Pelilih Saratok deka berengkah dipejalai kena 19 April tu.

Sapit Menteri Pengeluar Kuasa enggau Pengeraja Asal, Datuk Ali Biju minta barang sapa ke apin rejister nama ungkup program nya dipinta rejister diri enggau lengkas.

Ku iya, tu mih peluang pemadu manah diberi ngagai mensia mayuh ngambi likun enggau kuru ari igi penyakit ke benung balat berampit ba menua jam diatu.

“Sekali agi aku minta kasih ngagai bala kita, rejister nama kita enggau lengkas nadai milih sekalika nengah Aplikasyen MySejahtera tauka bala tuai komuniti.

“Beri mih kerejasama ngambi program kitai tu lanchar laban tu mih chara pemadu engkeman kitai ulih nyapai komuniti ti kebal ari igi penyakit,” ku iya ngansak.

Ali ke mega Kaban Parlimen Saratok madah, taja penyampau kes dirikod ngirauka ati semua kitai tang pekara nya agi ulih dipatau naka diatu.

Iya empu mega udah dipadah ke alai raban ari Opis Menteri Pengerai Malaysia (KKM) benung bejalaika pengawa sida mutarka penusah nya ngambi enda majak ngerekai.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak