Rajah Philip kala nemuai ke Sarawak

KUCHING: Rajah Philip kala nemuai ke sarawak pengelama 41 jam maya sarawak maya agi dipegai Koloni British.
Iya datai ke Kuching, Sarawak kena 26 Februari 1959, udah nya nemuai ke Sibu enggau Miri sebedau bekejang ke menua Brunei Darussalam.

Rajah Philip mega kala nguji ngirup tuak kitai Iban maya makai malam ba Astana seraya ngemata bala bukai betanda.

Ratu Elizabeth II mega kala nyempulang Rajah Philip enggau anak indu iya benama Princess Anne nemuai sekali agi ngagai menua Kuching dalam taun 1972.

Ba taun 2016 suba, Princess Anne sekali agi nemuai ke Sarawak laban apin tepantup lebuh penemuai keterubah iya ngagai menua tu suba.

Rajah Philip keterubah betemu enggau Ratu Elizabeth II ba Dartmouth Naval College rambau Ratu Elizabeth II ngabas endur nya maya Raja Philip agi nyadi kadet.

Taun 1947, Ratu Elizabeth II enggau Raja Philip madahka diri betunang lalu seduai nanggam tali semaya ba sebengkah pengerami diatur enggau naka pengerichah.

Seduai dipadu jadi melaki bini kena 20 November 1947, lima taun sebedau Elizabeth diangkat nyadi ratu menua nya.

KENANG… Rajah Philip kala nemuai ke Kuching dalam taun 1959 enggau 1972.

Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak