KUCHING: Pengerami Gawai Dayak 2021 semina dikemendarka diintu sehari aja kena 1 June.

Nitika Atur Pengawa Standard (SOP) ti dikeluarka Komiti Penyangga Penusah Nengeri (JPBN), Unit Pekara Pengarap Bukai (Unifor) enggau Kaunsil Adat Istiadat Sarawak (Mais) bela setuju pengerami tu semina dikemendarka diintu begulai enggau diri sebilik aja.

Penerang nya madahka, pengawa ngabang ari rumah ke rumah sigi enda dikemendar.

Ku penerang nya, maya malam 31 Mei tauka malam mantar Gawai, pengawa nyeradak ai pengayu ba rumah kediri enggau rumah panjai mega semina dikemendarka diintu diri sebilik aja.

Berebak enggau nya, pengawa bukai nyerumba Hari Gawai baka aktiviti pulai ke menua neresa zon, pengawa melah pinang, betunang, makai selamat, meri anak mandi ba sungai, nyabung enggau aktiviti rama ke bukai mega enda dikemendarka.

Raban Komiti Pemansang Pengelikun Genturung Pendiau (JKKK) dipinta matau sereta nentuka SOP tu dititihka ba kampung enggau ba rumah panjai.