Dua rumah panjai di Baram ampuh manggai enam kaki penalam

MIRI: Urung 700 iku peranak ba Kampung Uma Beluvuh Long Panai, Tutoh, Baram mindahka keresa ngagai endur ke tinggi berindik ari penusah bah besai manggai enam kaki pagi tadi.

Sekretari Komiti Pemansang enggau Pengelikun Genturung Pendiau (JKKK) Uma Beluvuh Long Panai, Laing Ngau madahka naka pukul 8 pagi tadi, ai majak niki ti udah manggai empat kaki penalam ba ruai.

“Ai udah dalam endar ba dapur, kira lima ngagai enam kaki penalam.

“Bah berengkah ngampuhka genturung pendiau nya tumu pagi Hari Lima lalu ai nadai gaya deka surut tang nyau majak besai,” ku iya.

Ba lansa sama, 48 pintu bilik Rumah Banyah Banyi Sungai Sebubu Tinjar mega udah ampuh tiga kaki penalam lalu ai benung deras.

Penghulu Nyadang Rengkang madah, naka diatu peranak dia apin pindah lalu agi nganti ba ringkat atas rumah.

“Ai agi deras endar sereta majak besai urung pukul 7 pagi tadi.

“Sida ti ngena injin api udah madamka bekal kuasa karan nya ungkup pengelikun,” terang iya.

Nambahka nya, sida ke diau dia napi penanggul minta sah orang laban arus penyambung udu tejanggal.

SAH KAMI… Rumah peranak ba Kampung Uma Beluvuh Long Panai, Tutoh, Baram ampuh empat ngagai enam kaki penalam pagi tadi. 

Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak