Kluster Jalan Simpang Tiga di Kuching ngerikod 14 kes positif

KUCHING: Siti kluster baru dirikodka sehari tu dikumbai Kluster Jalan Simpang Tiga, Kuching.

Komiti Penyangga Penusah Nengeri (JPBN) dalam siti penerang media madahka Kluster Jalan Simpang Tiga, Kuching ngaul sebuah palan bebelika barang di Kenyalang Park, Kuching.

Penerang nya madahka, bisi 44 iku udah diperesa Covid-19 ke alai 14 iku udah ditemu positif.

Kelimpah ari nya, empat kluster ditukuka punas pengudah nadai ngerikodka kes baru dalam timpuh 28 hari iya nya Kluster Bulatan Aman, Sibu, Kluster Kampung Binyu, Kuching, Kluster Jalan Puncak Borneo, Kuching enggau Kluster Jalan Bintulu-Sibu, Tatau.

Berebak enggau nya, Pelilih Menua Bau udah pulai bebali ari status mirah ngagai oren kemari pengudah ngerikodka 33 kes dalam timpuh 14 hari.

Nya ngujungka pelilih menua ba status mirah tinggal 24 buah, oren dua buah, kuning 10 buah enggau gadung empat buah.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak