Lapan pemati, 612 kes baru positif Covid-19

KUCHING: Kes pemati ketegal Covid-19 di Sarawak terus nambah pengudah lapan kes pemati ketegal penyakit nya dirikodka sehari tu.

Komiti Penyangga Penusah Nengeri (JPBN) dalam penerang media madahka, nya ngujungka penyampau kes pemati ketegal Covid-19 nambah 247 iku.

Kes pemati ti pemadu baru tu ngaul empat iku indu enggau empat iku lelaki ke beumur entara 62 ngagai 85 taun.
Taja pia, semua kes pemati ti dirikodka tu mega bisi ngembuan penyakit bukai baka sakit atau, darah tinggi, kemi manis enggau penyakit bukai.

Berebak enggau nya, kes positif baru Covid-19 di Sarawak dipeda agi nambah pengudah 612 kes baru dirikod.
Tebal agi, kes ti dirikodka tu ditemu ba Pelilih Menua Sibu, Bintulu, Miri enggau Kuching.

Nya ngujungka penyampau kes positif ketegal Covid-19 di menua tu nambah 40,871 kes.

Entara pelilih menua ti ngerikodka kes positif baru, iya nya Pelilih Menua Sibu (108), Bintulu (103), Miri (86), Kuching (72), Kapit (40), Sarikei (30), Kanowit (26), Mukah (25), Selangau (17), Belaga (14), Samarahan (11), Saratok (10), Pusa (9), Subis (9), Sebauh (8), Sri Aman (7), Pakan (7), Tatau (6), Bukit Mabong (5), Betong (5), Serian (4), Meradong (3), Asajaya (2), Dalat (1), Lawas (1), Tebedu (1), Song (1) enggau Daro (1).

Ku penerang nya, ari 612 kes baru ti dirikodka tu, semina 77 iku aja bisi nunjukka kelai dirampit lebuh beperesa ke alai 480 iku endang orang ti sigi diasuh kuarantin.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak