Minta ampun…lesen nyabung enda ulih dikeluar

BINTULU: Minta ampun amat-amat…pengawa nyabung manuk enda dikemendar lalu aku udah ngasuh Sekretari Perintah Sarawak enggau Opis Residen enda ngeluarka lisin nyabung manuk, ku Datuk Patinggi Abang Johari Tun Openg.

Kepala Menteri madah, tu sebagi ari chara Perintah Sarawak bejejaga ngambi nagang pandemik Covid-19 nyengkaum enda ngemendarka pengawa ngintu Gawai Dayak.

“Besampika kitai ulih ngintu Pengerami Gawai Dayak taun baru enti Covid-19 tu udah pukas,” ku Abang Johari.

Abang Johari mansutka jaku nya ba aum pemberita pengudah Taklimat Khas Gaya Pandemik Covid-19 di Bagi Menua Bintulu ba Hotel Promenade, ditu kemari.

Pia mega, Abang Johari minta tuai komuniti enggau tuai raban bansa Dayak neritka Atur Pengawa Standard (SOP) enggau disiplin diri ngambi nagang igi penyakit Covid-19 ngambi enda ngerekai maya hari besai nya.

“SOP tu dikena nagang igi penyakit nya ngerekai maya kitai ngintu Gawai lalu kitai mesti disiplin sereta nyaga diri maya Pengerami Gawai Dayak ke deka datai.

“Tang diatu, kitai mesti bejejaga ungkup pengidup kitai dudi hari,” ku Abang Johari.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak