Selamat pinchin, terima kasih Dr Chin

KUCHING: Direktor Opis Pengerai Nengeri Sarawak (JKNS) Dr Chin Zin Hing pinchin berengkah kemari (20 Mei) pengudah 30 taun gawa dalam bidang pengerai di Sarawak.

Menteri Kaunsil Kandang Menua enggau Pengawa Berumah, Datuk Seri Sim Kui Hian mega udah ngenataika terima kasih enggau meri selamat pinchin ngagai Zin Hing.

Ba penerang di Facebook, Kui Hian meri besai terima kasih ngagai Dr Chin Zin Hing ti udah bebendar gawa pengelama lebih ari 30 taun ngubat rayat Sarawak.

Ku Kui Hian, Zin Hing ngembuan besai jasa ba menua tu kelebih agi bekaul pemansang pengerai.

“Ba Sarawak, siku Direktor Perubat Nengeri tu baka bejalaika 11 pangku pengawa direktor perubat di Semenanjung Malaysia!.

“Nya mih kebuah standard ba Malaysia enda ulih diterima Sarawak,” ku Kui Hian.

Nambahka nya ku iya, Zin Hing udah bebendar gawa ba Sarawak ngelama tu.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak