Sepital Timberland dipilih endur betuchuk vaksin

KUCHING: Tujuh sepital peribit di Sarawak dirintai nyadi Palan Betuchuk Vaksin (PPV) ungkup Proram Betuchuk Covid-19 Nasional (PICK).

Sapit Kepala Menteri, Datuk Amar Douglas Uggah Embas madahka sepenyampau 42 buah klinik luar mega dipasuk dalam rintai PPV nya.

“Sepital Timberland entara sepital dipilih nyadi PPV, sebagi ari strategi perintah ngerumban pengawa betuchuk vaksin ngagai rayat.

“Kami tepantup ati meda sistem dipejalaika ditu, berurun ke alai diatu ulih meri 200 vaksin dalam sehari,” ku iya.

Uggah mansutka jaku nya lebuh ngatur pejalai ngabas Palan Pengerai Timberland, Jalai Rock ditu tadi.

Iya ke mega Chairman Komiti Penyangga Penusah Nengeri (JPBN) madahka pengawa meri vkasin di menua tu deka dirumban udah bekal vaksin datai ila.

“Diatu bisi 500,000 iku beumur 18 taun enggau tuai agi di Pelilih Kuching patut lalu ulih nerima vaksin.

“Nya kebuah PPV tu dikemayuhka agi ngambi pengawa betuchuk vaksin lanchar sereta mujur agi,” ku Uggah madah nyemetak.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak