Siku lelaki ditemu mati kena karan

KUCHING: Siku lelaki peranak menua beumur 37 taun ditemu udah nadai melempai ba sebuah tiang karan tisi jalai semak Kampung Muara Tebas, malam tadi.

Tuai Polis Pelilih Kuching, Asisten Komisioner Awang Din Awang Gani lebuh dirandau ngenukuka sida nerima ripot bekaul penusah nya urung pukul 10.51 malam.

Ku iya, asil pansik tumu tetemuka niang bebadi nyawa ba endur nya ketegal kena karan.

“Niang ditemu udah nadai ba semak peti tiang karan nya. Udah nya, tudah ke bebadi terus ngagai Sepital Besai Sarawak (SGH) ungkup pansik bekaul,” ku iya nerang, ditu tadi.

Nambahka nya, kes ti dipansik tu ditukuka mati ngenyit (SDR) lalu polis agi bejalaika pansik tu.

Dulu ari nya, tubuh niang udah dibai seraban Bomba enggau Penyah Penusah Tabuan Jaya pansut ari endur nya sebedau dibai ngagai polis.

Pengari Palan Operasyen Bomba Sarawak nengah sebengkah penerang madah, pengawa mansutka niang pengudah bekal tiang karan nya diputuska raban SESCO SDN BHD ti udah datai ngesah penusah nya. –


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak