S’wak ngerikod enam kes bebadi nyawa

KUCHING: Sarawak ngerikod enam kes pemati baru sereta 513 kes baru positif Covid-19.

Komiti Penyangga Penusah Nengeri (JPBN) dalam siti penerang media madahka nya ngujungka penyampau pemati ketegal Covid-19 nambah 261 iku.

Kelimpah ari nya, penyampau kes positif Covid-19 di Sarawak mega nambah ngagai 43,326 kes.

Ku penerang nya, pelilih menua ti ngerikodka kes tu iya nya Pelilih Menua Miri (94), Bintulu (81), Sibu (49), Samarahan (48), Kuching (45), Kapit (30), Tatau (25) enggau Selangau (21).

“Bela 12 kes ba Subis enggau Saratok, 11 kes dirikod ba Tanjung Manis enggau Pakan seraya Simunjan enggau Mukah bela 10 kes.

“Udah nya Pusa ngerikod semilan kes, Kanowit enggau Asajaya bela lapan kes, Bukit Mabong enam kes, Sri Aman lima kes.

“Pelilih Meradong, Lubok Antu, Bau, Julau enggau Serian sama tiga kes seraya Limbang, Sebauh enggau Belaga sama siti kes,” ku penerang nya.

Ari 513 kes baru ti dirikodka tu, 77 iku bisi nunjukka kelai lebuh beperesa ke alai 440 iku endang sida ti diasuh kuarantin.

Kes pemati ke nyadi kemari ngaul lima iku lelaki enggau siku indu beumur entara 41 ngagai 81 taun.

Semua sida ditukuka midang kena 21 Mei.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak