Tatka dulu ati deka begawai – Snowdan

SIBU: Raban bansa Iban sekali agi ditangkan enda pulai ke menua nyambut Gawai Dayak taun tu bepun ari pengerekai Covid-19 majak balat diatu.

Menteri Muda Nembiak enggau Lumba Sarawak, Datuk Snowdan Lawan madah, raban bansa Dayak tau enda ibuh berami baka taun ke udah lebih agi sida ke diau ba mengeri tauka Zon Mirah.

“Amat mih betaun-taun kitai enda kala ngelaung ngerami hari besai kitai bansa, enda patut ga semina setaun dua tu kitai enda ulih nagang diri dulu.

“Anang guai berami taun tu, kemeratka pengerai diri sebilik, apai indai kitai sereta bala kitai serumah panjai,” ku iya lebuh dipinta meri lalau nyerumba Gawai Dayak, kemari.

Snowdan ti mega Adun Balai Ringin bela minta sida ke diau ba rumah panjai ulih nagang diri ari pengawa ngabang tauka begelumu ba ruai maya Gawai tu.

“Begelumu diri sebilik dalam bilik diri empu aja. Pia mega anang bepadah nurun ke kelang sabung laban perintah endang nadai mansutka lisin nyabung.

“Ukum besai endar enti ditemu ngelanggar Atur Pengawa Standard (SOP) dikena nagang pandemik,” ku iya madah baru.

Berita penuh ba Ruai 5 pagila.

Suara Sarawak