Vaksin AstraZeneca dikemendar dikena ba Sarawak

KUCHING: Sarawak ngemendarka rayat betuchuk vaksin AstraZeneca dikena nembuka Program Betuchuk Vaksin Covid-19 Nasional (PICK) menua tu.

Chairman Komiti Penyangga Penusah Nengeri (JPBN), Datuk Amar Douglas Uggah Embas madah, Raban Penyanding Penemu Vaksin Covid-19 Sarawak (SCoVAG) udah mantaika perambu ngena AstraZeneca ngagai Raban Staf Betuchuk Vaksin Covid-19 Sarawak (CITF Sarawak).

Ku iya, vaksin ti dikumbai Vaxzeyria nya ku raban SCoVAG tau diberi ngagai rayat Sarawak ti volunteer deka nerima vaksin nya.

“Pengudah beratika pekara tu, CITF Sarawak ngemendarka kitai ngena vaksin AstraZeneca ngambi ngemendarka pelin betuchuk vaksin Covid-19 ba Sarawak.

“Vaksin nya deka dibekal ngagai Sarawak nengah CITF Nasional enggau deka disediaka ngagai rayat ti deka nerima lalu sapa jampat iya deka nerima vaksin nya nengah chara semaya,” ku Uggah nerang tadi.

Ku iya, Palan Betuchuk Vaksin (PPV) khas enggau kediri deka disedia ungkup pengawa nya lalu palan nya deka dipadah dudi.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak