30 KIR ba Puncak Borneo dibantu bulih PPRT

PUNCAK BORNEO: Sepenyampau 30 iku tuai bilik (KIR) deka ngasaika pengelantang nengah Program Rumah Rayat Seranta (PPRT) ungkup taun tu.

Sapit Menteri Pengawa Bekebun enggau Komoditi, Datuk Willie Mongin madah, agih belanja RM1 juta udah diungkup dikena bejalaika Program PPRT Renggat Keterubah di sitak Parlimen Puncak Borneo.

Ba sebengkah penerang di Facebook, Willie madahka Program Rumah PPRT nya dikemendar dibaruh Opis Menteri Pemansang Menua Pesisir (KPLB) ungkup taun 2021.

Ku Willie, Program Rumah PPRT tu dibagi ngagai dua kategori iya nya Ngaga Baru enggau Nyeleti Rumah.

“Rega siling ungkup kategori Ngaga Baru Rumah taun tu iya nya RM65,000 enggau RM15,000 ungkup kategori Nyeleti Rumah.

“Bisi 30 iku tuai bilik ti deka ngasaika pengelantang dalam Program Rumah PPRT tu mungkur tiga Adun ba sitak Parlimen Puncak Borneo iya nya Serembu, Mambong enggau Tarat,” ku terang Willie.

Iya ke mega Kaban Parlimen Puncak Borneo madah, bisi 13 iku penerima ungkup Dun Serembu ke alai enam iku ba kategori Ngaga Baru Rumah enggau tujuh iku deka dipasuk dalam Kategori Nyeleti Rumah.

Pia mega ku iya, bisi 10 iku penerima ba sitak Dun Mambong ke alai tiga iku deka ngasaika pengelantang ba kategori Ngaga Baru Rumah enggau tujuh iku dipasuk dalam kategori Nyeleti Rumah.

Ku iya ba sitak Dun Mambong, bisi 10 iku penerima deka nerima pemaik dalam program tu ke alai dua iku penerima deka dipasuk dalam kategori Ngaga Baru Rumah enggau tujuh iku dipasuk dalam Kategori Nyeleti Rumah.

Ku Willie, bisi tujuh iku penerima ungkup program tub a sitak Dun Tarat ke alai dua iku penerima deka nerima pemaik dalam kategori Ngaga Baru Rumah lalu rumah lima iku penerima deka diseleti.

“Entara penerima kategori Ngaga Baru Rumah iya nya Alice Guhem ari Kampung Kawa Belimbing, Tomboy Sijah ari Kampung Gerung, Joseph Harrison Simel ari Kampung Peninjau Baru, Itee Abong ari Kampung Tringgus Bong enggau Daling Nasop ari Kampung Sogo.

“Pia mega, Nur Farah Aneesa ari Kampung Pedaun Bawah, Domenik Dilup ari Kampung Kaman, Mary Naja ari Kampung Tringgus Bong, Farida Ringis enggau Asutin Enali ari Kampung Batu Gong Baru sereta Nelan Nibok ari Kampung Baru Mawang.

“Entara penerima Program Nyeleri Rumah PPRT iya nya Sitandang Dium ari Kampung Peroh Gerung, Ted Budis ari Kampung Karu, Aliew Pojan ari Kampung Kaman, Clement Ho ari Kampung Pisa, Rasip Saymo ari Kampung Sogo, Kotis Noel ari Kampung Monggag@Bijuray enggau Jinges Dilup ari Kampung Kaman.

“Nambahka nya, Jetoy Sitem ari Kampung Sega, Johep Teluke ari Kampung Pedaun Bawah, Nayan Dungau ari Kampung Batu Gong Baru, Peter Rangkum ari Kampung Batu Gong Lama, Satari ari Kampung Jawa Gunda sereta Agatha Tapoi enggau Herman Lukas ari Kampung Masaan.

“Sama mega enggau Kevunson Abang ari Kampung Ampungan, Daris Bajan ari Kampung Bunga, Jikie Rekep ari Kampung Sira sereta Awang Li enggau Ajis Tuah ari Kampung Tanah Puteh,” ku terang Willie nyemetak.

Willie madah, kenyau ari ujung taun 2018, mayuh rumah udah diseleti enggau digaga baru nengah Program Rumah PPRT tu.

Nangkan nya ku iya, sida deka bebendar agi mai buah pemansang ungkup pengelantang peranak ba sitak Parlimen Puncak Borneo.

Iya mega meri besai terima kasih ngagai Menteri Pemansang Menua Pesisir, Datuk Dr. Abd Latiff Ahmad enggau Opis Menteri Pemansang Menua Pesisir Sarawak laban udah ngemujurka program ungkup pemaik rayat.

Kelimpah ari nya, Willie arapka bantu enggau Program PPRT Renggat Keterubah ulih meri pengelantang ngagai semua rayat.

 
Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak