409 kes baru positif, dua pemati dirikod ba Sarawak

KUCHING: Sarawak ngerikodka 409 kes baru positif Covid-19 enggau dua kes pemati baru sehari tu.

Komiti Penyangga Penusah Nengeri (JPBN) dalam siti penerang media tadi madahka, kes positif baru tu dirikodka ba Pelilih Menua Sibu (75), Kuching (65), Sarikei (35), Tebedu (31), Mukah (28), Bintulu (23), Kanowit (23), Miri (22), Song (12), Kapit (11), Telang Usan
(10), Saratok (9), Sri Aman (9), Lubok Antu (8), Tatau (8), Subis (7), Samarahan (7), Sebauh (5), Bukit Mabong (5), Pakan (4), Simunjan (2), Betong (2), Selangau (2), Lundu (1), Tanjung Manis (1), Bau (1), Meradong (1), Serian (1) enggau Pusa (1).

Tu ngujungka kes positif Covid-19 di Sarawak nambah 64,233 kes.

Nangkan nya, ngelansa dua kes pemati baru kemari seduai ke midang nya beumur 76 enggau 83 taun ti dirikodka ba Sepital Sarikei enggau Sepital Kapit.

Siku dirikodka midang kena 10 June lalu siku agi dirikodka midang kena 22 June.

Seduai mega ngembuan penyakit bukai baka darah tinggi, kemi manis enggau dislipidemia.

Nya ngujungka kes pemati ketegal Covid-19 nambah 406 iku.

Suara Sarawak