Dua bakal ba penusah bas aksiden

SRI AMAN: Lapan iku kesal ati pengudah bas Express MTC ditepan sida ngenyit ensayar kediri ba Kilometer 25 Jalai Sri Aman-Kuching urung pukul 6.40 pagi tadi.

Penusah nya ngujungka deriba kedua enggau siku penumpang indu bakal mimit seraya bala penumpang bukai nyengkaum deriba keterubah ditukuka nadai apa nama.

Seduai ti bakal nya dianjung ngagai Sepital Sri Aman dulu ngambi diperubat.

Tuai Opis Pansik enggau Penerit Adat Trafik Sarawak, Superintendan Alexson Naga Chabu madah, kededua deriba bas sereta dua penumpang nya peranak menua seraya empat iku agi peranak Indonesia.

Nambahka nya ku iya, lebuh diperesa semua peranak Indonesia nya bisi permit lalu deka pulai ngagai menua asal nengah Tebedu enggau Biawak.

Ku Chabu, penusah nya nyadi lebuh bas nya ba rantau jalai ari Miri nuju Kuching.

Iya madahka kes agi dipansik nengah Seksyen Langkah 10 LN 166/59.

Suara Sarawak