Perengkaguna Klinik Pengerai Ng Atoi dikemanah

SARATOK: Chek RM10,000 udah disua ngagai pengari Klinik Pengerai Nanga Atoi ungkup pemansang palan pengerai komuniti nya.

Kaban Parlimen Saratok, Datuk Ali Biju madahka agih belanja nya diberi ngambi bisi dikena bejalaika pengawa nyeruri penyikap perengkaguna dia.

Ku iya, sekeda pengawa ti begunaka belanja mit ulih dipejalai berenggat tauka dirumban ngena belanja nya nitihka guna klinik nya.

“Kitai ngarapka pekara ngaul pengelantang bala staf bejalaika pengawa enggau kereban gawa ulih diintu meruan.

“Nya kebuah kitai ngungkupka agih belanja nyampau tu ngambi bisi dikena kita ditu nyeruri tauka ngaduka utai ke mit dulu nentuka pengawa lantang dikereja,” ku iya.

Ali mansutka jaku nya pengudah nyuaka chek ngagai Tuai Rumah Juan tauka Oui Juan enggau ex-Deresa Kandau ke nyadi Chairman Panel Penyanding Penemu Pekara Pengerai ba Klinik Pengerai Nanga Atoi ditu, kemari.

Batang tuju pejalai Adun Krian sehari nya mega ngabas rayat ke datai ngulu Program Betuchuk Vaksin ba Palan Betuchuk Vaksin (PPV) Mindah Kin Kitu ba klinik nya.

Berita penuh Ruai 3 pagila.

 
Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak