Rela patut dikemerat nerima tuchuk vaksin

BETONG: Sebaka enggau raban pengereja pengawa terabai komuniti ke bukai , raban Rela mega patut dikemerat nerima vaksin vaksin ngambi sida ‘tuai bulu’ ari kena kena rampit Covid-19.

Kenu ku Pegawai Rela Pelilih Betong Abdul Hadi Mamat, semina 20 kaban sida udah nerima tuchuk vaksin.

“Dibandingka enggau penyampau semua kaban Rela ke gawa, ditambah enggau sida ke gawa sekumbang Op Covid-19 PKP 3.0, penyampau nya kelalu mimit.

“Tang, kebendar sida tu ke chukup mudah kena rampit penyakit.

“Nya alai, aku minta Opis Pengerai Bagi Menua Betong ngemeratka raban Rela laban penyadi kes tu makin hari majak balat,” ku iya madah ngagai Suara Sarawak, kemari.

Ku iya mega, pengawa numbuhka sistem imuniti ke tegap ba raban Rela beguna amat ngambika sida enda mudah kena rampit penyakit lebuh bejalaika pengawa.

Tandu Hadi, pejalai Op Covid-19 PKP 3.0 ngujungka raban sida nambahka penyampau tubuh sida ke gawa udah tu.

“Nitih penerang, naka tu penyampau kaban Rela ditambah gawa bisi 60 iku nyengkaum ba operasyen PKPD di Kampung Hulu Tambak.

“Aku suah nangkan sida ke gawa enggau mudah kena rampit ngemeratka pengelikun diri lebih agi sida ke udah lunggar umur,” ku iya.

Iya mega madah raban Rela ke nyereta operasyen Covid-19 berambun nyawa sebaka enggau raban terabai komuniti ke bukai.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak