RM40,000 nyaup Rumah Achai berumah baru

SARATOK: RM40,000 udah diagih kena nulung peranak Rumah Achai di Awik ditu ngentak rumah panjai baru.

Sapit Menteri Pengeluar Kuasa enggau Pengeraja Asal, Datuk Ali Biju madahka agih belanja nya dikena nyaup sida serumah bebelika ramu enggau belanja bukai.

Ku iya, taja pengawa berumah ditangguh dulu ketegal Atur Mindah Betagang (PKP) diteritka perintah diatu, abis nadai anembiak Tuai Rumah Achai ulih nyikap diri tumu sebedau pengawa dipenyadi.

“Kitai sama nemu pengawa berumah baru tu begunaka belanja besai, nya alai aku ngarapka saup mengga mit tu ulih nyaup ngelempungka belanja kita serumah.

“Tuju kita ngentak rumah panjai baru mega endang patut disukung laban pengawa tu pulaika pengelantang enggau pengelikun sereta penyamai,” ku iya.

Ali mansutka jaku nya lebuh ngatur pejalai ngabas taba ti ditaga endur ngentak rumah panjai baru 20 pintu bilik betuaika Tuai Rumah Achai di Awik ditu, kemari.

Iya ke mega Kaban Parlimen Saratok madah, pengawa nyungkur taba rumah panjai nya mega benung chakah dipejalai diatu.

Berita penuh Ruai 5 pagila.

 
Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak