Bisi 11 buah genturung pendiau agi PKPD

KUCHING: Bisi 11 buah genturung pendiau agi diasuh bejalaika Atur Mindah Betagang Dipekul (PKPD) di Sarawak.

Komiti Penyangga Penusah Nengeri (JPBN) dalam siti penerang media tadi madahka tiga buah genturung pendiau di Bintulu deka bejalaika PKPD kena 15 Julai ngagai 28 Julai tu.

Genturung pendiau tu iya nya Rumah Dayang Serang Batu 34 Jalai Bintulu-Miri, Rumah Enbau Anting Sungai Sebemban Jalai Pesisir Kuala Tatau enggau Rumah Radin Jelemin Sungai Entajum Sangan Tatau.

Kelimpah ari nya, Rumah Sap Sungai Tulai Bintangor di Meradong mega deka bejalaika PKPD berengkah 15 Julai nyentuk 31 Julai tu.

Nambah ke nya, bisi empat buah genturung pendiau agi deka bejalaika PKPD berengkah 16 Julai ngagai 1 Ogos ti deka datai.

Empat buah palan tu iya nya, Rumah Ningkan Sungai Paoh, Rumah Brinau Sungai Baron enggau Rumah Maja Sungai Baron di Sarikei sereta Rumah Anthony Sungai Merah Dayu di Meradong.

Tiga agi genturung pendiau ti deka bejalaika PKPD iya nya di Kuching.

Genturung pendiau tu iya nya Kampung Astana Lot, Kampung Sungai Bedil enggau Kampung Seratau ti deka bejalaika PKPD ari 17 Julai ngagai 30 Julai tu.

Suara Sarawak