GPS tetap nyukung PN

KUCHING: Perintah Gempung Parti Sarawak (GPS) tegap penemu nyukung Perikatan Nasional (PN).

Chairman GPS ti mega Kepala Menteri Datuk Patinggi Abang Johari Tun Openg madahka GPS tegap penemu PN ti diuluka Menteri Besai Tan Sri Muhyiddin Yassin.

“Empas ari gaya politik ti nyadi ba Kuala Lumpur GPS deka madahka penemu pasal pekara tu. Enggau tu GPS madah diri deka tegap penemu nyukung PN ti diiring Menteri Besai Tan Sri Muhyiddin Yassin,” ku iya.

Abang Johari bejaku munyi nya ba aum pemberita di Indu Opis Parti Pesaka Bumiputera Bersatu (PBB) di Jalai Bako ditu, lemai tadi.

GPS diarika empat komponen parti iya nya Parti Pesaka Bumiputera Bersatu (PBB), Parti Rayat Sarawak (PRS), Parti Demokratik Progresif (PDP) enggau Parti Sa’ati Rayat Sarawak (SUPP).

Apin lama Parti Umno madahka sida ningkilka sukung diri ngagai Muhyiddin laban dikumbai puntan megai Perintah Besai naka diatu.

Berindik ari nya, gaya politik ba renggat Perintah Besai benung begilik.

Suara Sarawak